370-берене. Соттун өкүмүн, соттун чечимин же башка соттук актыны аткарбоо
Булагы: КР Юстиция министрлигинин мыйзам актыларынын базасы
Жаңыртылды: 02.11.2026
IX БӨЛҮМ. МАМЛЕКЕТТИК БИЙЛИККЕ КАРШЫ КЫЛМЫШТАР›45-глава. Сот актыларын жана башка аткаруу документтерин аткарууга каршы кылмыштар
Кыргыз Республикасынын Кылмыш-жаза кодексинин 370-беренеси, 24.07.2026 редакциясы.
1. Мыйзамдуу күчүнө кирген соттун өкүмүн, соттун чечимин же башка соттук актыны адам белгиленген мөөнөттө аткарбагандыгы, -
500дөн 1000 эсептик көрсөткүчтөргө чейин айып салууга, же болбосо үч жылдан беш жылга чейинки мөөнөткө эркиндигинен ажыратууга жазаланат.
2. Кызмат адамы кол алдындагы кызматкерди белгилүү бир кызмат ордун ээлөө укугунан ажыратуу жөнүндө соттун мыйзамдуу күчүнө кирген өкүмүн аткарбагандыгы, -
үч жылга чейинки мөөнөткө белгилүү бир кызмат ордун ээлөө же болбосо белгилүү бир иш менен алектенүү укугунан ажыратууга, же бир жылдан үч жылга чейинки мөөнөткө түзөтүү жумуштарына, же 500дөн 1000 эсептик көрсөткүчтөргө чейин айып салууга жазаланат.
(КР 2025-жылдын 3-ноябрындагы № 250 Мыйзамынын редакциясына ылайык)