91-статья. Балдарга жумшалуучу кошумча чыгымдарга ата-эненин катышуусу
Булагы: КР Юстиция министрлигинин мыйзам актыларынын базасы
Жаңыртылды: 06.11.2026
V БӨЛҮМ ҮЙБҮЛӨ МҮЧӨЛӨРҮНҮН АЛИМЕНТТИК МИЛДЕТТЕНМЕЛЕРИ›14-Глава Ата-эне менен балдардын алименттик милдеттенмелери
Кыргыз Республикасынын Үйбүлө кодексинин 91-статьясы, 17.07.2025 редакциясы.
1. Макулдашуу болбогондо жана өзгөчө жагдайлар түзүлгөндө (оору, жашы жетпеген балдардын майып болушу же эмгекке жөндөмсүз бойго жеткен балдардын жардамга муктаждыгы, аларды башка адамдарга бактырууга жардамдашуу зарылдыгы, туруктуу жашап туруу үчүн жарактуу турак жайдын жоктугу жана башка жагдайлар) ата-эненин ар бири ушул жагдайларга байланыштуу кошумча чыгымдарга катышууга сот тарабынан тартылышы мүмкүн.
Кошумча чыгымдарга ата-эненин катышуу тартиби жана бул чыгымдардын өлчөмү ата-эненин жана балдардын материалдык жана үйбүлөлүк абалына, тараптардын көңүлгө алынуучу дагы башка жагдайларына жараша ай сайын төлөнүүчү туруктуу акчалай суммада аныкталат.
2. Сот ата-энени накта жумшалган кошумча чыгымдарга жана алдыда боло турган кошумча чыгымдарды тартууга катышып турушуна милдеттендирүүгө укуктуу.
(КР 2020-жылдын 17-августундагы № 135 Мыйзамынын редакциясына ылайык)