8-берене. Келишимдерге карата талаптар
Булагы: КР Юстиция министрлигинин мыйзам актыларынын базасы
Жаңыртылды: 03.11.2026
I БӨЛҮМ. ЖАЛПЫ ЖОБОЛОР›2-глава. Банктык жана төлөм кызматтарын көрсөтүүгө, маалыматтарды ачууга карата негизги талаптар. Кардарлардын укуктары жана кызыкчылыктары
Кыргыз Республикасынын Мыйзамынын 8-беренеси, 08.07.2026 редакциясы.
1. Кардарлар менен түзүлүүчү келишимдер Кыргыз Республикасынын банктык жана башка мыйзамдарына ылайык келүүгө тийиш. Кардарлар менен банктык иштин жана каржылоонун ислам принциптерине ылайык түзүлүүчү келишимдер ошондой эле шариат стандарттарына ылайык келүүгө тийиш.
2. Келишимдердин тексттери бирдей өлчөмдөгү ариптер менен жазылышы, кардардын кабылдоосу жана түшүнүүсү үчүн абдан түшүнүктүү жана жеткиликтүү баяндалууга тийиш. Келишимдин тексти мамлекеттик тилде түзүлөт жана расмий тилге которулушу мүмкүн. Зарылчылык болсо келишимдин тексти башка тилге которулушу мүмкүн.
(Кыргыз Республикасынын 2025-жылдын 9-августундагы № 195 Мыйзамынын редакциясына ылайык)