532-берене. Ыйгарым укуктуу органдын өкүлүн четтетүүгө негиздер

Укук бузуулар жөнүндө өндүрүштө жаткан ишти сот, ыйгарым укуктуу органдын өкүлү, ыйгарым укуктуу органдын комиссиясынын мүчөлөрү төмөнкү учурларда карай албайт, эгерде ал:

1) укук бузуу үчүн жоопкерчиликке тартылып жаткан адамдын же жабыр тартуучунун, алардын мыйзамдуу өкүлдөрүнүн, жактоочунун же өкүлүнүн тууганы болсо;

2) иштин чечилишине жеке, түз же кыйыр кызыкдар болсо.