421-берене. Резервдегинин же аскерге милдеттүүнүн жыйынга (окууга) келүүдөн качуусу

1. Резервдегинин же аскерге милдеттүүнүн жыйынга (окууга) келүүдөн качуусу, –

жеке жактарга 100 эсептик көрсөткүч өлчөмүндө айып пул салууга, же болбосо 20 дан 30 саатка чейинки мөөнөткө коомдук иштерге тартууга алып келет.

2. Атайын өзүнүн денесине жаракат келтирүү же болбосо ооруну симуляциялоо, документтерди бурмалоо же башка алдамчылык жол менен жасалган ошол эле аракет, эгерде анда кылмыш-жаза жоопкерчилиги каралган аракеттин белгилери камтылбаса, –

жеке жактарга 200 эсептик көрсөткүч өлчөмүндө айып пул салууга же 30дан 40 саатка чейинки мөөнөткө коомдук иштерге тартууга алып келет.