29-берене. Өз ара байланышкан бир нече талаптардын сотко караштуулугу

13.05.2026

Булагы: КР Юстиция министрлигинин мыйзам актыларынын базасы

06.10.2026 редакциясы
Жаңыртылды: 02.11.2026

1 БӨЛҮМ. ЖАЛПЫ ЖОБОЛОР›4-глава. Сотко караштуулук

1. (Абзац КР 2020-жылдын 11-апрелиндеги № 39 Мыйзамына ылайык күчүн жоготту)

Ар түрдүү сот өндүрүштөрүндө каралууга жатуучу бир нече талапты бир өндүрүшкө бириктирүүгө жол берилбейт.

2. Эгерде ишти райондук сотто териштирүүдө бул иш административдик сотко караштуу болуп калса, сот ишти административдик сотко өткөрүп берүү жөнүндө аныктама чыгарат.

3. Эгерде административдик сотто ишти териштирүүдө бул иш райондук сотко караштуу болуп калса, сот ишти райондук сотко өткөрүп берүү жөнүндө аныктама чыгарат.

(КР 2020-жылдын 11-апрелиндеги № 39 Мыйзамынын редакциясына ылайык)