159-берене. Сот жыйналышында төрагалык кылуучу
Булагы: КР Юстиция министрлигинин мыйзам актыларынын базасы
Жаңыртылды: 02.11.2026
II БӨЛҮМ. БИРИНЧИ ИНСТАНЦИЯ СОТУНДАГЫ ӨНДҮРҮШ›16-глава. Соттук териштирүү
1. Ишти жеке өзү караган судья төрагалык кылуучунун милдеттерин аткарат.
2. Төрагалык кылуучу тараптардын укуктарынын теңдигин камсыз кылуу үчүн ушул Кодексте каралган бардык чараларды көрүү менен сот жыйналышына жетекчилик кылат, иштин жагдайларын ар тараптуу, толук жана объективдүү иликтөө үчүн зарыл шарттарды түзөт. Төрагалык кылуучу сот жыйналышынын күн тартибин сактоону камсыз кылат, соттук териштирүүнүн бардык катышуучуларына алардын укуктарын жана милдеттерин, аларды жүзөгө ашыруунун тартибин түшүндүрөт.
Соттук териштирүүгө катышуучу адамдардын кимдир бирөөсү төрагалык кылуучунун аракеттерине каршы пикирин билдирген учурда, бул каршы пикирлер сот жыйналышынын протоколуна жазылат жана төрагалык кылуучу өзүнүн аракеттери тууралуу түшүндүрмө берет.
3. Төрагалык кылуучунун тескемелери процесстин бардык катышуучулары: ишке катышуучу жактар, өкүлдөр, күбөлөр, эксперттер, адистер, котормочулар жана сот жыйналышынын залында катышып отурган адамдар үчүн милдеттүү болот.