133-берене. Көрсөтүү-уктуруу сервистери
Булагы: КР Юстиция министрлигинин мыйзам актыларынын базасы
Жаңыртылды: 02.11.2026
IV БӨЛҮМ. САНАРИП СЕРВИСТЕРИ ЖАНА ЭКОТУТУМДАРЫ›16-глава. Телекоммуникациялык сервистер
Кыргыз Республикасынын Кодексинин 133-беренеси, 31.07.2025 редакциясы.
1. Көрсөтүү-уктуруу сервистери Кыргыз Республикасында төмөнкүлөрдү жайылтуу үчүн пайдаланылат:
1) Кыргыз Республикасынын аймагында жалпыга маалымдоо каражаттары катары катталган жана телекөрсөтүү жана радиоуктуруу жөнүндө мыйзамдарга ылайык берилген аналогдук берүүдө жана (же) санариптик берүү пакетинде жайгаштырууга тиешелүү уруксаты бар телерадиоканалдарды;
2) чет өлкөлүк телерадиоканалдарды.
2. Телерадиоканалдарды түзүү Кыргыз Республикасынын телекөрсөтүү жана радиоуктуруу жөнүндө мыйзамдарына жана Кыргыз Республикасынын жалпыга маалымдоо каражаттары чөйрөсүндөгү башка ченемдик укуктук актыларына ылайык жүзөгө ашырылат.
3. Көрсөтүү-уктуруу сервистерин берүүчүлөр алынган телеродиоканалдарды өзгөртүүсүз түрдө жайылтууга милдеттүү. Телерадиоканалдарга өзгөртүүлөрдү киргизүүгө телекөрсөтүү жана радиоуктуруу жөнүндө мыйзамдарга ылайык көрсөтүү-уктуруу уюму катары катталган шартта гана мүмкүн болот.