123-берене. Санарип сервистерин медициналык-санитардык жардам көрсөтүү максаттары үчүн пайдалануу
Булагы: КР Юстиция министрлигинин мыйзам актыларынын базасы
Жаңыртылды: 02.11.2026
IV БӨЛҮМ. САНАРИП СЕРВИСТЕРИ ЖАНА ЭКОТУТУМДАРЫ›15-глава. Санариптик бакубаттуулук сервистери
Кыргыз Республикасынын Кодексинин 123-беренеси, 31.07.2025 редакциясы.
1. Мыйзамдарда түздөн-түз тыюу салынган учурларды кошпогондо, санарип сервистери медициналык-санитардык жардам көрсөтүүнүн алкагында төмөнкүдөй максаттарда пайдаланылышы мүмкүн:
1) консультацияларды өткөрүү;
2) бейтаптын абалына мониторинг жүргүзүү;
3) медициналык кызматкерлердин ортосунда тажрыйба алмашуу жана өз ара консультациялар;
4) медициналык кызматкерлерди окутууларды өткөрүү;
5) санитардык-гигиеналык, санитардык-эпидемияга каршы режимдерди сактоо.
2. Эгерде санарип жазмалары санарип сервистеринин алкагында түзүлсө, алар медициналык-санитардык жардамдарды көрсөтүүдө эске алынууга тийиш.