Тийиштуу документтер арыз менен бирге

Саламатсызбы,

Энелик (ата-энелик) укуктан ажыратуу боюнча доо арыз бергенде сот адатта төмөнкү документтерди арызга тиркеп тапшырууну талап кылат (бири да, бир нечеси да негизге жараша):

1) Милдеттүү “негизги” документтер:

• Доо арыз (сотко) + жоопкер үчүн көчүрмөлөрү;
• Доогердин паспортунун көчүрмөсү;
• Баланын туулгандыгы тууралуу күбөлүк (көчүрмө);
• Ата-энелердин никеси/ажырашуусу боюнча документтер: нике күбөлүгү же ажырашуу;тууралуу күбөлүк/сот чечими (бар болсо);
• Баланын жашаган жери боюнча маалымат: үй китепчеси/форма 2 (каттоо маалымкаты) же жашаган жерден маалымкат;
• Мамлекеттик алым төлөгөндүгү жөнүндө квитанция (эгер мыйзам боюнча бошотулбаса);
• Эгер өкүл аркылуу берсеңиз: нотариалдык ишеним кат + өкүлдүн паспорту (көчүрмө).

2) Негизди далилдеген документтер (кайсы негиз менен бергениңизге жараша).
а) Алимент төлөбөсө / ата-энелик милдеттен качса:

• Алимент өндүрүү жөнүндө сот чечими/буйругу (бар болсо);
• Сот аткаруучудан карыз боюнча маалымкат, аткаруу өндүрүшү боюнча материалдар;
• Төлөбөгөнүн тастыктаган башка далилдер (банк, кат алышуу ж.б.).

б) Баланы таштап койсо / мекемеден алуудан баш тартса:

• Төрөт үйү/оорукана/балдар мекемесинин актысы/маалымкаты, түшүндүрмө кагаздар.

в) Зордук-зомбулук, орой мамиле:

• ИИМге кайрылуулар, протокол/токтомдор, коргоо ордери (бар болсо);
• Соттук-медициналык корутунду, жаракат тууралуу справкалар;
• Видео/аудио, сүрөт, күбөлөрдүн жазма көрсөтмөлөрү.

г) Өнөкөт аракечтик/баңгилик:

• Наркологиялык диспансерден эсепте турганы/дарыланганы жөнүндө маалымкат;
• Дарыгерлердин корутундулары (бар болсо).

д) Кылмыш жасаган болсо:

• Сот өкүмүнүн көчүрмөсү (мыйзамдуу күчүнө кирген).

е) Баланын селсаяктыгына жол берсе / эксплуатация:

• Соцкызмат/милиция/Билим берүү органдарынын актылары, маалымкаттары;
• Мектеп/бакчанын мүнөздөмөсү, катышуу, абалы боюнча маалымкат.

3) Баланы коргоо органынын документтери:

• Балдарды коргоо боюнча ыйгарым укуктуу орган (үй-бүлө жана балдарды колдоо бөлүмү) корутунду/акт даярдайт.
• Көп учурда сот өзү сурайт, бирок сиз алдын ала ошол органга кайрылып, текшерүү жүргүздүрүп, акт/корутундуну алып келип тиркеп койсоңуз иш тезирээк жүрөт.

4) Кошумча пайдалуу тиркемелер:

• Баланын ким менен жашап жатканы, камсыздоосу боюнча маалымкаттар;
• Баланын пикири (эгер 10 жаштан жогору болсо) – жазма түрдө/психолог аркылуу (сот тартибине жараша);
• Күбөлөрдүн тизмеси жана байланыштары.

Урматтоо менен,
Муратбек Азимбаев
Бишкек ш., 720005, Болота Юнусалиева көч., 80, OloloPlanet
тел.: +996 700 987794; +996 776 987794
WhatsApp, Telegram, Signal
Эл. почта: muratbek@azimbaev.pro
https://www.linkedin.com/in/muratbek-azimbaev-91111a4a/
X: @MuratbekAz

ӨТӨ МААНИЛҮҮ! Жогорку оң бурчтагы гипершилтемени (кызыл түстө белгиленген «Дисклеймер») басып, дисклеймер менен таанышыңыз.