Men mukur jan suu

Саламатсызбы,

Ооба, чакыруунун келиши мүмкүн, бирок 9-класста военкоматтан өтпөй калганы — “армияга бара албайт” дегенди билдирбейт.
«Кыргыз Республикасынын жарандарынын жалпыга бирдей аскердик милдети жөнүндө, аскердик жана альтернативдик кызматтар жөнүндө» Кыргыз Республикасныны мыйзамы 2009-жылдын 9-февралы № 43 (акыркы 2026-жылдын 20-февралындагы № 17 Мыйзамдарынын редакцияларына ылайык) боюнча :
1. Эркек бала 16 жашка толо турган жылы алгачкы аскердик каттоого коюлушу керек.
Бул мыйзамдын 13-беренесинде жазылган.
2. Эгер 9-класста өтпөй калса, азыр 18 жашта болсо да, жашаган жери боюнча райондук/шаардык военкоматка барып, аскердик каттоого туруусу керек.
3. Чакыруу кагазы күтүлбөсө да болот.
Ата-эне өзү алып барып каттатса болот. Бул туура жана коопсуз жол.

Эмне кылуу керек?Балаңыз өзү менен төмөнкүлөрдү алып барсын:

• паспорт / ID карта;
• туулгандыгы тууралуу күбөлүк;
• жашаган жеринен маалымкат;
• билими тууралуу документ;
• сүрөт;
• медициналык документтери болсо;
• үй-бүлөлүк абалы боюнча документтер, эгер жеңилдик же мөөнөт узартуу маселеси болсо.

Военкоматта аны:

• каттоого коёт;
• медициналык комиссиядан өткөрөт;
• жарактуулугун аныктайт;
• андан кийин чакыруу же мөөнөт узартуу маселесин карайт.

Эгер окуп жатсачы?Эгер балаңыз колледжде, лицейде же ЖОЖдо күндүзгү бөлүмдө окуса, окуу боюнча мөөнөт узартуу маселеси каралышы мүмкүн. Бул мыйзамдын 33-беренесинде көрсөтүлгөн.

Кыскача жооп9-класста военкоматтан өтпөй калса да, 18 жашында аскердик каттоого турушу керек. Чакыруу келиши мүмкүн, бирок өзүңүздөр военкоматка барып тактап, каттоого тургузганыңыздар туура.

Сизге урматтоо менен,
Муратбек Азимбаев.
Бишкек ш., 720005, Болот Юнусалиев көчөсү, 80, OloloPlanet
тел.: +996 700 987794; +996 776 987794
WhatsApp, Telegram, Signal
Эл.почта: muratbek@azimbaev.pro
LinkedIn профили
X: @MuratbekAz
ӨТӨ МААНИЛҮҮ! Оң жогорку бурчтагы кызыл түс менен белгиленген «Дисклеймер» гипершилтемесин басып, дисклеймер менен таанышып чыгыңыз.