Машинанын эсин кантип тапсам болот

Саламатсызбы !

Эгерде «унаанын ээсин кантип тапсам болот?» деп сурап жатсаңыз, мамлекеттик номери боюнча ээсинин аты-жөнүн, дарегин же телефонун ачык булактан алуу мүмкүн эмес. Бул — Цифралык кодекс менен корголуучу жеке маалымат. «Түндүк» порталындагы Car Check кызматы унаанын маркасы, чыгарылган жылы, кыймылдаткычы жана башка техникалык маалыматтарды гана көрсөтөт, ээсинин маалыматтарын ачпайт. 
Мыйзамдуу жол жагдайга жараша болот:

• жол кырсыгы болуп, айдоочу качып кетсе же зыян келтирсе — 102ге кайрылып, милицияга мамлекеттик номерди, сүрөттү, видеону, окуянын убактысын жана жерин көрсөтүп арыз бериңиз;
• унаа жолду же короодон чыгууну тосуп турса — патрулдук милицияны чакырыңыз; кызматкерлер өздөрү катталган ээси менен байланышат;
• жарандык талаш, унааны кайра каттоо же чыгымды өндүрүү маселеси болсо — адвокаттык суроо-талап жөнөтүүгө, ал эми сот иши ачылганда маалыматты Каттоо борборунан сот аркылуу талап кылдырууга болот. Адвокаттык суроо-талап жеке маалыматты сөзсүз берет дегенди билдирбейт — мыйзамдуу негиз көрсөтүлүшү керек. 

Каттоодо турган ээси менен унааны иш жүзүндө айдап жүргөн адам башка болушу мүмкүн. Ошондуктан унаанын ээсин эмне себептен издеп жатканыңызды тактасаңыз, тиешелүү жол-жобону так көрсөтүүгө болот.

Урматтоо менен,
Муратбек Азимбаев
720060, Бишкек шаары, Арстанбек Дуйшеев көчөсү, 8/1
Тел.: +996 700 987794; +996 776 987794; +996 550 987794
WhatsApp, Telegram, Signal
Электрондук почта: muratbeka@gmail.com
LinkedIn: https://www.linkedin.com/in/muratbek-azimbaev-91111a4a/
X (Twitter): @MuratbekAz
ӨТӨ МААНИЛҮҮ! Оң жактагы жогорку бурчта жайгашкан кызыл түстөгү «Дисклеймер» гипершилтемесин басып, дисклеймер менен сөзсүз таанышып чыгыңыз.