Фамилия озгортуу боюнча суроо

Саламатсызбы!

Сиз каалаган ЦОНго же калкты каттоо боюнча региондор аралык бөлүмгө (МРО) кайрылсаңыз болот. Ошондой эле «Түндүк» тиркемесинен → «Күбөлүктү кайталап алуу» → «Туулгандыгы тууралуу күбөлүк»кызматы аркылуу арыз берүүгө болот. Онлайн арыз 1–7 жумуш күнүндө каралат. 
Өзүңүз менен төмөнкүлөрдү алыңыз:

• жаңы фамилияңыздагы ID-паспорт;
• мурдагы туулгандыгы тууралуу күбөлүк;
• фамилия өзгөргөнүн тастыктаган документ: Ф.А.А. өзгөртүү жөнүндө күбөлүк же нике тууралуу күбөлүк;
• чет өлкөгө шашылыш чыгарыңызды ырастаган документ болсо — билет, чакыруу ж.б.

Маанилүү жагдай: эгер фамилияңыз бойго жеткенден кийин өзгөрсө, туулгандыгы тууралуу күбөлүктө төрөлгөн кездеги фамилияңыз калышы мүмкүн. Андай учурда эски жана жаңы фамилия бир адамга таандык экенин:
туулгандыгы тууралуу күбөлүк + фамилияны өзгөртүү жөнүндө күбөлүк
же туулгандыгы тууралуу күбөлүк + нике тууралуу күбөлүк
менен ырастайсыз. Фамилияны өзгөртүү жөнүндө акттын негизинде мурдагы жарандык абал актыларына тиешелүү белгилер киргизилет. 
Эгер документ чет мамлекетке берилсе, кайсы өлкөгө барарыңызга жараша апостиль жана нотариалдык котормо дагы талап кылынышы мүмкүн. Ошондуктан чет өлкөлүк мекемеден аларга жаңы дата менен берилген кайталап алынган күбөлүк керекпи же сөзсүз жаңы фамилия жазылышы керекпи — жазуу жүзүндө тактап алыңыз. Жалпы тартипте күбөлүктү жаңы фамилияга сөзсүз өзгөртүү талабы дайыма эле туура эмес.

Урматтоо менен,
Муратбек Азимбаев
720060, Бишкек шаары, Арстанбек Дуйшеев көчөсү, 8/1
Тел.: +996 700 987794; +996 776 987794; +996 550 987794
WhatsApp, Telegram, Signal
Электрондук почта: muratbek@azimbaev.pro
LinkedIn: https://www.linkedin.com/in/muratbek-azimbaev-91111a4a/
X (Twitter): @MuratbekAz
ӨТӨ МААНИЛҮҮ! Оң жактагы жогорку бурчта жайгашкан кызыл түстөгү «Дисклеймер» гипершилтемесин басып, дисклеймер менен сөзсүз таанышып чыгыңыз.