Тоноо, жазасы кандай болот?

2021-жылдан баштап Кыргыз Республикасынын жаңы Кылмыш-жаза кодексине ылайык, булар эми 206 жана 207-беренелер:

206-статья. Тоноо

1. Тоноо, башкача айтканда, бирөөнүн мүлкүн ачык тартып алуу,

эки айдан бир жылга чейинки мөөнөткө түзөтүү жумуштарына, же эсептик көрсөткүчтүн эки жүздөн беш жүзгө чейинки өлчөмүндө айып салууга, же эки жылга чейинки мөөнөткө эркиндигинен ажыратууга жазаланат.

2. Ошол эле жосундар:

1) олуттуу өлчөмдө;

2) адамдардын тобу;

3) адамдардын тобу тарабынан алдын ала бүтүм боюнча, -

эсептик көрсөткүчтүн беш жүздөн миңге чейинки өлчөмүндө айып салууга же эки жылдан беш жылга чейинки мөөнөткө эркиндигинен ажыратууга жазаланат.

3. Ушул статьянын 1 жана 2-бөлүктөрүндө каралган жосундар:

1) ири өлчөмдө;

2) турак жайдын ичине кирүү менен;

3) өмүрүнө жана ден соолугуна коркунучтуу болбогон зомбулук көрсөтүү же мындай зомбулук көрсөтөм деп коркутуу менен, -

беш жылдан сегиз жылга чейинки мөөнөткө эркиндигинен ажыратууга жазаланат.

4. Ушул статьянын 1-3-бөлүктөрүндө каралган жосундар:

1) өзгөчө ири өлчөмдө;

2) уюшкан топ;

3) кылмыштуу топтун курамында жасалганда, -

мүлкүн конфискациялоо менен сегиз жылдан он эки жылга чейинки мөөнөткө эркиндигинен ажыратууга жазаланат.