Каза болгон адамдын фамилиясын же атын өзгөртүү жөнүндө күбөлүк алса болобу?

Саламатсызбы, 2020-жылдын 1-августундагы № 110 "Жарандык абалдын актылары жөнүндө" Кыргыз Республикасынын Мыйзамынын 4, 9, 11-беренелерине ылайык, http://cbd.minjust.gov.kg/act/view/ru-ru/112094. Ушул Мыйзамда белгиленген тартипте жарандык абалдын төмөнкү актылары мамлекеттик каттоого алынат: 1) төрөлүү; 2) никеге туруу; 3) нике бузуу; 4) фамилиясын, атын, атасынын атын өзгөртүү; 5) өлүм. Жарандык абалдын актыларын мамлекеттик каттоо жөнүндө күбөлүктөрдү кайра берүү 1. Күбөлүктүн бланкы жоголгон, бузулган, эскирген, ламинацияланган, тексти жана/же мөөрү окулбаган учурда, жарандык абалдын актысын мамлекеттик каттоо жөнүндө күбөлүктүн дубликаты арыз ээсинин арыз берген жери боюнча жарандык абалдын актыларын жазуу органы тарабынан берилет. 2. Жарандык абалдын актысын мамлекеттик каттоо жөнүндө күбөлүктүн дубликаты төмөнкүлөргө берилет: 1) жарандык абалдын актысын жазуу жүргүзүлгөн адамга; 2) соттук териштирүүгө жөндөмсүз деп табылган адамдардын камкорчуларына; 3) маркумдун жакын тууганына (өлүм жөнүндө күбөлүк); 4) ата-энесине (алардын ордун баскан адамдарга) же балдарды коргоо боюнча ыйгарым укуктуу мамлекеттик органдын аймактык бөлүмүнүн өкүлүнө, эгерде туулгандыгы жөнүндө актыны жазуу жүргүзүлгөн адам дубликат берилген күнү бойго жете элек болсо; 5) ушул беренеге ылайык жарандык абалдын актысын мамлекеттик каттоо жөнүндө күбөлүктүн дубликатын алууга укуктуу адамдан нотариалдык жактан күбөлөндүрүлгөн ишеним кат көрсөтүлгөн учурда башка адамга. 3. Жарандык абалдын актысын мамлекеттик каттоо жөнүндө күбөлүктүн дубликаты төмөнкүлөргө берилбейт: 1) ата-энеси (ата-энеси) ата-энелик укуктарынан ажыратылган же чектелген баланын ата-энесине (ата-энелердин бирине) - баланын туулгандыгы тууралуу күбөлүгү; 2) никесин бузган адамдарга жана никеси жараксыз деп табылган адамдарга - нике күбөлүгү. 4. Арыз ээсинин өтүнүчү боюнча жарандык абалдын актыларын жазуу органдары Кыргыз Республикасынын Өкмөтү тарабынан белгиленген тартипте жарандык абалдын актыларын жазуунун бардык түрлөрү боюнча жарандык абалдын актыларын жазуудан көчүрмөлөрдү беришет. Жарандык абалдын актыларын мамлекеттик каттоо жөнүндө маалыматтын купуялуулугу жана аны өткөрүп берүүнүн тартиби 1. Жарандык абалдын актысын мамлекеттик каттоого байланыштуу жарандык абалдын актыларын жазуу органынын кызматкерине белгилүү болгон маалымат жеке маалыматтар болуп саналат, купуя маалымат категориясына кирет, чектелген мүмкүнчүлүккө ээ жана ачыкка чыгарылбайт. 2. Өлүмдү мамлекеттик каттоо катталган жарандык абалдын актыларын жазуу органы өлүмдү мамлекеттик каттоо жөнүндө маалыматты аймактык бөлүнүшү боюнча социалдык коргоо органдарына, Кыргыз Республикасынын Социалдык фондуна, салык органдарына жана аскердик комиссариаттарга билдирет. 3. Жарандык абалдын актыларын жазуу органдары жарандык абалдын актыларын мамлекеттик каттоо жөнүндө маалыматты төмөнкүлөрдүн суроо-талабы боюнча берет: 1) соттун (судьянын); 2) прокуратуранын; 3) тергөө органдарынын; 4) Кыргыз Республикасынын Акыйкатчысынын (Омбудсменинин). 4. Расмий статистикалык эсепке алуу максатында жарандык абалдын актыларын жазуу органдары төрөлүүнү, никеге турууну жана ажырашууну мамлекеттик каттоо жөнүндө маалыматты Кыргыз Республикасынын статистика органдарына билдирет.... Көбүрөөк маалымат »