Машинанын документи жок болса

Question

Эгерде машинанын документи уйдо унутуп калтырса

Муратбек Азимбаев · Answer

Саламатсызбы,

Эгерде Жол кыймылынын коопсуздугун камсыздоо башкы башкармалыгынын (ЖКККББ) (ГУОБДД) кызматкерлери сизди токтотуп, жанында техникалык паспорт бар, бирок айдоочулук күбөлүгүңүздү унутуп калсаңыз, төмөндөгүлөрдү эске алыңыз:

1.	Сабырдуулук жана сылыктык сактоо
	•	Тынч жана сылык мамиле кылуу талаш-тартыштарды алдын алат.
	•	Инспектордун иш-аракеттерине нааразы болсоңуз да, ачууланбаңыз жана чыр чыгарбаңыз.

2.	Абалды түшүндүрүү
	•	Айдоочулук күбөлүк үйдө унутулганын же убактылуу жоголгонун айтсаңыз болот.
	•	Күбөлүктү үйдөн алып келип же жакындарыңыз аркылуу жеткирүү мүмкүнчүлүгүн сунуштаңыз.

3.	Документтерди берүү
	•	Транспорт каражатын каттоо күбөлүгүн (техпаспорт) бериңиз.
	•	Эгер паспортуңуз бар болсо, аны да көрсөтүңүз.

4.	Мүмкүн болгон кесепеттер
	•	Кыргыз Республикасынын 2021-жылдын 28-октябрындагы №128 Кодексине ылайык, күбөлүксүз унаа башкаруу административдик укук бузуу болуп саналат жана 1000 сом өлчөмүндө айып пул салынат.

5.	Айдоочулук күбөлүк жоголгон болсо
	•	Жоголгонун ГАИ кызматкерине билдирүү керек.
	•	Жакынкы милиция бөлүмүнө кайрылып, убактылуу күбөлүк алуу боюнча арыз жазыңыз.

6.А сиз кийинкисенде айдочуулук куболукту «Tunduk» мобилдик тиркемесин смартфон жуктоп "Тундук" аркылуу мамлекеттик кызматтарды алууга мүмкүндүк берген Электрондук кызмат көрсөтүүлөрдүн мамлекеттик порталынын компоненти болуп саналат.
Кыргыз Республикасынын Президентинин 2021-жылдын 8-февралындагы № 27 Жарлыгына жана Кыргыз Республикасынын Министрлер Кабинетинин «Кыргыз Республикасынын Өкмөтүнүн айрым чечимдерине өзгөртүүлөрдү киргизүү жөнүндө» токтомуна ылайык «Кыргыз Республикасынын аймагында санариптик документтерди колдонуу» 2022-жылдын 18-ноябрындагы № 637 мыйзамдуу мааниге ээ деп таанылган санариптик документтер. Буга байланыштуу Электрондук кызмат көрсөтүүлөр мамлекеттик порталынын мобилдик тиркемесинде төмөнкү санариптик документтер ишке ашырылган:
Идентификациялык карта (ID-карта); Айдоочулук күбөлүк; Транспорт каражатын каттоо күбөлүгү; Туулгандыгы тууралуу күбөлүк; Никелешүү тууралуу күбөлүк; Никени бузуу тууралуу күбөлүк; Пенсиялык күбөлүк; Жеке ишкерди мамлекеттик каттоо жөнүндө күбөлүк; Кыргыз Республикасынын жарандары өздөрүнүн смартфондору аркылуу «Tunduk» мобилдик тиркемеси аркылуу мамлекеттик органдарга, жергиликтүү өз алдынча башкаруу органдарына, кызмат адамдарына, юридикалык жана жеке жактарга санариптик форматтагы документтерди көрсөтө алышат.

Муратбек Азимбаев · Answer

«Tunduk» мобилдик тиркемеси жогорку социалдык мааниге ээ, анткени мобилдик тиркемеде ишке ашырылган санариптик документтер, электрондук кызматтар жарандардын жашоосун кыйла жеңилдетет. Жарандар үйүнөн чыкпай туруп, дүйнөнүн кайсы бурчунда болбосун, дароо режимде маалымкаттарды, санариптик форматтагы документтерди ала алышат жана менчигинин түрүнө карабастан каалаган уюмга көрсөтө алышат, ошону менен жарандын чиновниктер менен өз ара аракеттешүүсү жокко чыгарылат жана коррупциялык механизмдер четтетилет.

6.Эгер инспектор укук бузуу боюнча протокол түзгөн болсо:
	•	Протоколду кол коюңуз жана укук бузууга макул экениңизди же макул эместигиңизди көрсөтүңүз (эгер макул эмес болсоңуз, “Айдоочунун түшүндүрмөсү” графасына өз пикириңизди жазыңыз).
	•	Протоколдун көчүрмөсүн алыңыз.
	•	Айып пулдун суммасын жана төлөө тартибин тактаңыз.

7.Пайдалуу кеңештер
	а) Документтерди дайыма жанында алып жүрүү:
	•	Айдоочулук күбөлүк жана техникалык паспортту ар дайым өзүңүз менен ала жүрүңүз.
	б)	Санарип документтерди колдонуу:
	•	Айдоочулук күбөлүктү жаңы оцифрованный формага алмаштырыңыз. Мобилдик «Түндүк» тиркемесине кирип, санарип документтериңизди жүктөп алсаңыз, алар басылган пластик күбөлүккө барабар деп эсептелет.
	в)	Праваңыз алынса:
	•	Эгер укугуңуз башка укук бузуу үчүн алынган болсо, иштин статусун жана укукту кайтарып алуу тартибин билиңиз.

8.Жол кыймылынын эрежелери боюнча милдеттер
Кыргыз Республикасынын 1999-жылдын 4-августундагы №421 токтомуна ылайык, механикалык унааны башкарган ар бир айдоочу төмөнкү милдеттерди аткарууга тийиш:

	•	Унааны токтотуп, тиешелүү документтерди көрсөтүү (айдоочулук күбөлүк, техникалык паспорт, жүктүн документтери) укуктуу орган талап кылган учурда.
	•	Документтерди санарип форматта көрсөтүү мүмкүн болбосо, кагаз түрүндөгү документтерди берүү милдеттүү.
	•	Эл аралык жол кыймылына катышкан унаалардын айдоочулары Конвенцияга ылайык документтерди жана мамлекеттик каттоо белгилерин камсыздоого милдеттүү.

Урматтоо менен,
Муратбек Азимбаев
Бишкек, 720005, Болот Юнусалиев көчөсү, 80, OloloPlanet
тел.: +996 700 987794; +996 776 987794
WhatsApp, Telegram, Signal
Эл. почта: muratbek@azimbaev.pro
httрs://www.linkedin.com/in/muratbek-azimbaev-91111a4a/
Twitter: @MuratbekAz
ӨТӨ МААНИЛҮҮ! Дисклеймерди көрүү үчүн жогорку оң бурчтагы кызыл түстөгү “Дисклеймер” шилтемесин басыңыз.

Машинанын документи жок болсо