Үй-бүлөлүк тарбиянын формасы

Кутмандуу күнүң менен,

Үй-бүлө жана индивидуалдык тарбиялоо жаатындагы иш-чаралар, анын ичинде үйдөн окутуу билим берүү ишинин бир түрү болуп саналат жана лицензияланууга тийиш.

Билим берүү уюму юридикалык жак катары гана иштей алат, ошондуктан ЖЧКны каттоо зарыл.

ЖЧКны каттоо үчүн юстиция органына төмөнкүлөр берилиши керек:

- каттоо жөнүндө арыз;

— ЖЧКны түзүү жөнүндө чечим;

— Кыргыз Республикасынын Билим берүү жана илим министрлиги менен макулдашылган билим берүү уюмунун уставы;

— Уюштуруучулардын жана башкаруучунун паспортторунун көчүрмөлөрү.

Лицензия берүүчү: Билим берүү жана илим министрлиги.

Лицензия алуу үчүн документтер:

— Лицензиялык экспертиза жүргүзүүгө арыз (№1 форма)
— Билим берүү уюмунун түзүмү, окуучулардын саны жөнүндө жалпы маалымат (No 2 форма)
— Билим берүү уюмунун окуу-материалдык базасы жөнүндө маалымат (No 3 форма)
— Билим берүү уюмун китепкана, окуу адабияты менен камсыз кылуу жөнүндө маалымат (No 4 форма)
— Окуу процессин кадрлар менен камсыз кылуу боюнча маалымат (No 5 форма).
— окуу процесси үчүн пайдаланылган жайга менчик укугун тастыктаган документтердин көчүрмөлөрү. Мектепке чейинки, башталгыч, негизги жана орто жалпы билим берүү, башталгыч кесиптик жана кошумча билим берүү уюмдары үчүн 3 жылдан кем эмес мөөнөткө ижара келишими жетиштүү.
— окуу жайдын мамлекеттик каттоодон өткөндүгү тууралуу күбөлүктүн жана уюштуруу документтеринин көчүрмөлөрү.
— «Билим берүү жөнүндө» мыйзамдын талаптарына жооп берген, юстиция органында каттоодон өткөн окуу жайдын Уставынын көчүрмөсү.
— Арызды кароо жана лицензия берүү үчүн алым төлөнгөндүгүн ырастоочу документ (1000 с).

Урматтоо менен,
Тимур Абитов
"Терра Лекс" юридикалык фирмасы
Уюлдук телефон: 0555 150509,
e-mail: abitov@terralex.kg,