Кыргызстандын Жогорку Кеңешинин депутаттарына өкмөттүн мыйзамдык документтерди жасаганы жакпай жатат

Жогорку Кеңештин депутаттарына өкмөттө мыйзамдуу документтердин түзүлүшү жакпайт. КСДП фракциясынын депутаты Галина Скрипкина чиновниктердин корутундусун кагаз гана деп атады.

Эл аралык иштер боюнча комитеттин жыйынында жайыттарды жакшыртуу боюнча келишимдин долбоору каралууда.

Галина Скрипкинанын айтымында, Жогорку Кеңешке тийиштүү түрдө таризделбеген документтердин келип түшүүсү нормага айланып калды. «Бүгүнкү күндө да документте жооптуу адамдын колу жок. Ким даярдаган, ким кол койгонун депутаттар билбейт. Бирок кеп ири кредиттик каражаттар жөнүндө болуп жатат. Көрсө, бул документ эмес, жөн эле эч кандай күчү жок кагаз экен», - деп белгиледи ал.

Комитеттин жетекчиси Каныбек Иманалиев кесиптешинин пикирине кошулду.

Жайыттарды жакшыртуу жана мал чарбачылыгын өнүктүрүү долбоорун ишке ашырууга Дүйнөлүк банк 15 миллион доллар бөлүүдө, анын 6,75 миллион доллары грант, 8,25 миллион доллары кредит.