Салык инспекциясы 2024-жылга Бирдиктүү салык киреше салыгын тапшыруу зарылдыгын эскертет

КР Мамлекеттик салык кызматы 2024-жылга бирдиктүү салык декларациясын кабыл алуу кампаниясынын экинчи этабын өткөрүүдө, ал үстүбүздөгү жылдын 1-майына чейин созулат. Бул тууралуу Мамлекеттик салык кызматынын басма сөз кызматы эскертет.

Төмөнкүлөр 1-майга чейин салык декларациясын тапшырышы керек:

• жеке ишкерлер;
• патенттин негизинде же өзгөчө режимдеги соода зонасында иштеген жеке жактар;
• Кыргыз Республикасынын аймагында жайгашкан эл аралык уюмдарда, чет мамлекеттердин дипломатиялык же консулдук мекемелеринде иштеген Кыргыз Республикасынын жарандары;
• киреше салыгын кармап калуу боюнча милдеттенмеси жок субъекттен салык салынуучу киреше алган жеке жактар.

Белгилей кетсек, салык декларациясын тапшыруу кампаниясынын биринчи этабы 1-апрелде аяктаган.

Бул этаптын алкагында декларация тапшыруу үчүн төмөнкүлөр талап кылынган:

• ата мекендик уюмдар (бюджеттен каржылануучу жана отчеттук салык мезгили үчүн мүлк салыгы боюнча салыктык милдеттенмелери жок уюмдарды кошпогондо);
• туруктуу мекеме түзүү менен Кыргыз Республикасынын аймагында иш жүргүзгөн чет өлкөлүк уюмдар;
• мамлекеттик жана муниципалдык кызматкерлер.

Толук маалыматты аймактык салык органдарынан, 116 телефону боюнча же салык кызматынын расмий сайтынан: www.sti.gov.kg алса болот.