Документтерди берүүдөгү бюрократизациянын деңгээлин азайтуу үчүн Мамлекеттик каттоо кызматы кызмат адамдары менен жарандардын түз байланышын кыскартууда.

Паспортторду жана башка документтерди кабыл алууну жөнөкөйлөтүү үчүн Мамлекеттик каттоо кызматы “ЗАГС”, “Паспорт”, “Даректик реестр” автоматташтырылган маалыматтык тутумдарын (АИС) өркүндөтүүдө, жаңы АИС – “Виза” жана “Жарандык”, Бул тууралуу Sputnik агенттигине Мамлекеттик каттоо кызматы билдирди.

Адистештирилген кызматтардын ишин жакшыртуу үчүн электрондук өз ара аракеттенүүнүн бирдиктүү системасы түзүлүүдө.

Жаңыланган реестрлер болгондо мамлекет бухгалтердик эсеп жана документация тармагында да, фискалдык жана бюджеттик саясат чөйрөсүндө да, социалдык-саясий чөйрөдө башкаруу чечимдерин кабыл алуунун реалдуу инструменттерине ээ болот.

«Ошондой эле электрондук реестрди киргизүүнүн натыйжасында мамлекеттик кызматкерлер менен минималдуу физикалык байланышта калкты сапаттуу тейлөө жөнүндө сөз кылууга болот», - деп баса белгиледи Мамлекеттик каттоо кызматы.

Калктын бирдиктүү мамлекеттик реестри (КБРН) – жарандарды жекелештирилген каттоонун автоматташтырылган системасы, ал паспорттун квитанциясын, социалдык камсыздандыруу картасын, нике күбөлүгүн жана кыймылсыз мүлктү сатып алууну тастыктаган документтерди бириктирүүгө мүмкүндүк берет. Бул эми жарандардын бардык маалыматтары бирдиктүү маалымат базасында болуп, бюрократияны жана чиновниктер менен жарандардын ортосундагы байланышты азайтуунун эсебинен документтерди берүү ылдамдыгы кыйла жогорулайт дегенди билдирет.

Булак: Sputnik Кыргызстан