Мамлекеттик кызматкерлер 3 жылга чейин төлөө мөөнөтү менен 15 миллион сомго чейин жеңилдетилген насыя ала алышат

БИШКЕК, 14-май – Sputnik. “Жеткиликтүү турак-жай” программасынын алкагында 21 ипотекалык насыя берилгенин Sputnik Кыргызстан агенттигине “Мамлекеттик ипотекалык компания” ААКсы билдирди.

Ипотекалык кредиттер төмөнкү шарттарда берилет: максималдуу суммасы - 3 миллион сом, пайыздык чен - 12-14 пайыз; төлөө мөөнөтү - 15 жылга чейин; уруксат берилген аянты - 70 чарчы метрге чейин (батирлер) жана 150 чарчы метрге (турак имараттар).

Алгачкылар үч жылдан кем эмес стажы бар дарыгерлер, мугалимдер жана социалдык кызматкерлер. Каражаттар иштеп жаткан банктар тарабынан чыгарылат. Быйылкы жылы 5 миллиард сомго чейин тартууга мүмкүнчүлүк түзүлөөрү пландалууда.

«Ипотекалык кредиттер 25-марттан тарта бериле баштады. 21 кредит берилген. Алганда эң аз сумма 270 миң сом, эң көп дегенде бир жарым миллион сом. Жалпысынан 17 миллион 401 миң сом берилген. Төлөө мөөнөтү 8,7 жылдан 15 жылга чейин», - деп билдирди Мамлекеттик инвестиция комитети.

Азырынча потенциалдуу алуучулардын тизмесинде 185 адам бар, бирок программанын катышуучуларын каттоо уланууда.

Source:
Sputnik Кыргызстан