9-1-статья. Карыз тарапка банкроттук процессин козгоо үчүн зарыл болгон карыздын минималдуу өлчөмү

1. Төлөөгө жөндөмсүз карыз тарапка карата банкроттук процессин козгоо үчүн карыздын төмөнкүдөй минималдуу өлчөмдөрүнүн болушу талап кылынат:

1) карыз тарапка коюлган бир же бир нече кредиторлордун талап кылган суммасы эсептешүү көрсөткүчүнүн 1000ден кем эмесин түзсө;

2) жеке ишкерди кошо алганда, кредитор - жеке адамдын карыз тарапка койгон талабы эсептешүү көрсөткүчүнүн беш жүздөн кем эмес өлчөмүн түзсө;

3) (КР 2009-жылдын 24-июлундагы № 247 Мыйзамына ылайык күчүн жоготту)

2. Бул статьянын эрежеси карыз тараптын банкроттук процесси өзү козгошу үчүн колдонулбайт.

(КР 1998-жылдын 30-декабрындагы № 160, 2006-жылдын 27-январындагы № 30, 2009-жылдын 24-июлундагы № 247, 2015-жылдын 20-апрелиндеги № 87 Мыйзамдарынын редакцияларыына ылайык)