74-статья. Күрөө менен камсыз болгон кредитордун укуктары жана милдеттери

1. Атайын администрациялоо жол-жобосу эгерде карызкордун катышуучусу күрөө менен камсыз болгон кредитор болуп саналса, күрөө берүүчү болуп, ага карата атайын администрациялоо жол-жобосу башталган карызкор эмес, үчүнчү жак чыккан учурду кошуп алганда, күрөөнүн затынан өндүрүүнү жүргүзүүдө күрөө менен камсыз болгон кредитордун укуктарын чектөөгө алып келбейт. Күрөө менен камсыз болгон кредитор күрөөнүн затынан өндүрүүнү "Күрөө жөнүндө" Мыйзам талабына ылайык ишке ашырат.

Атайын администратор камсыз кылынган мүлктү "Күрөө жөнүндө" Кыргыз Республикасынын Мыйзамынын талаптарына ылайык биринчи талап боюнча күрөө менен камсыз кылынган кредиторго берүүгө милдеттүү.

Атайын администратор күрөө менен камсыз болгон кредитордун жазуу жүзүндөгү макулдугу менен күрөө предметин сатууга укуктуу. Бул ушул Мыйзамда каралган кезектүүлүк тартибинде өз талабын канааттандырууга кредитордун укугунун токтотулушуна алып келбейт.

2. Күрөө менен камсыз болгон кредитордун укуктары жана милдеттери ушул Мыйзамда башкача каралбаса, күрөө жөнүндө мыйзам менен жөнгө салынат.

3. Күрөөгө коюлган мүлктү сатуудан түшкөн каражат күрөө менен камсыз болгон кредитордун талабын канааттандыруу үчүн жетишсиз болсо, ал тиешелүү кезек менен анын айырмасын күрөө менен камсыз болгон кредитор катарында алууга укуктуу.

(КР 1998-жылдын 30-декабрындагы № 160, 2002-жылдын 17-июнундагы № 103 Мыйзамдарынын редакцияларына ылайык)