67-статья. Карыз тараптын бүтүмдөрүнүн жараксыздыгы

1. Бүтүм, анын ичинде карыз тарап атайын администрациялоо процедурасы башталганга чейин түзгөн бүтүм граждандык мыйзамдарда каралган негиздер боюнча атайын администратордун арызы боюнча сот тарабынан жараксыз деп табылышы мүмкүн.

2. Карыз тарапты банкрот деп таануу жөнүндө арыз берилгенден мурдагы карыз тараптын банкроттук процессинин башталышына чейинки бир жыл ичинде карыз тараптын түзгөн бүтүмү атайын администратордун арызы боюнча жараксыз деп таанылышы мүмкүн, эгерде:

1) көрсөтүлгөн бүтүмдү аткаруу карыз тарапты төлөөгө жөндөмсүздүккө алып келсе;

2) бүтүмдүн баасы бүтүмдү аткаруу учурунда анын рыноктук баасына караганда кыйла көп же аз болсо жана бүтүмдүн кесепети финансылык жоготууларга алып келсе.

3. Карыз тараптын банкроттук процесси башталгандан кийин өзүнчө кредитор же башка адам менен жасалган же карыз тараптын банкроттук процесси башталганга чейин бир жыл ичинде түзүлгөн бүтүм, эгерде кредиторлордун биринин экинчисине карата карыз тараптын, анын ичинде администратордун акчалай милдеттенмеси боюнча талаптарын канааттандыра турган болсо, атайын администратордун же кредитордун арызы боюнча жарактуу деп табылышы мүмкүн.

4. Ушул статьяны аткаруу үчүн зарыл болгон эреже банкроттук боюнча башка ченемдик укуктук актылар менен белгиленет.

(КР 1998-жылдын 30-декабрындагы № 160, 2002-жылдын 17-июнундагы № 102, 2017-жылдын 12-майындагы № 80 Мыйзамдарынын редакцияларына ылайык)