54-статья. Карыз тараптын эсептери

1. Карыз тарапты жоюуда атайын администратор анын банктагы же башка финансы-кредиттик уюмдагы сомдук бир гана эсебин (негизги эсебин жана бир валюталык эсебин (зарыл учурда)) пайдаланууга милдеттүү. Карыз тараптын банктагы же башка финансы-кредиттик уюмдардагы жоюу башталган учурда белгилүү болгон, ошондой эле жоюу мезгилинде табылган башка эсептери атайын администратор тарабынан жабылууга тийиш. Мындай эсептердеги акча каражаттарынын калдыктары карыз тараптын негизги эсебине которулууга тийиш.

2. Жоюу процедурасын ишке ашыруунун натыйжасында келип түшкөн акча каражаттары негизги эсепке кириштелет. Ушул эле эсептен банкроттук процессинин чыгымдары төлөнөт. Жоюу жол-жобосу аяктаганда карыз тараптын негизги эсеби жабылууга тийиш.

3. Атайын администратор карыз тараптын акча каражаттарын пайдалануу тууралу отчетту айына бир жолудан ашырбай соттун, банкроттук жөнүндө иштер боюнча мамлекеттик органдын, кредиторлордун (комитеттин) чогулушунун талаптары боюнча аларга берип турат.

(КР 1998-жылдын 30-декабрындагы № 160, 2002-жылдын 17-июнундагы № 102, 2024-жылдын 22-апрелиндеги № 78 Мыйзамдарынын редакцияларына ылайык)

5-§. Реструктуризация