51-статья. Жалпы жоболор
Булагы: КР Юстиция министрлигинин мыйзам актыларынын базасы
Жаңыртылды: 06.11.2026
2-ГЛАВА АТАЙЫН АДМИНИСТРАЦИЯЛОО
Кыргыз Республикасынын Мыйзамынын 51-статьясы, 29.10.2025 редакциясы.
1. Жоюу - атайын администрациялоо жол-жобосунун усулу, ал кредиторлордун кезегине жараша алардын талаптарын канааттандыруу максатында жоюучу массага кирген карыз - юридикалык жактын бардык активдерин алып коюуну жана ажыратууну карайт.
2. Жоюуну атайын дайындалган адам - атайын администратор (жоюучу) жүргүзөт. Мында атайын администратор (жоюучу) ушул Мыйзамда жана башка мыйзам актыларында каралган укуктарды пайдаланат жана милдеттерди көтөрөт.
3. Жоюу аяктагандан кийин карыз тараптын иши токтотулат жана ушул Мыйзамдын талаптарына ылайык юридикалык жактардын мамлекеттик реестрине аны жоюу жөнүндө жазуу киргизилет. Карыз тараптын жоюулушу укук мураскорчулугуна алып келбейт.
4. Карыз тарапты атайын администрациялоодо жоюу ар кандай баскычта белгиленген тартипке ылайык ушул Мыйзамда каралган процедурага айлантылышы мүмкүн.
(КР 1998-жылдын 30-декабрындагы № 160, 2002-жылдын 17-июнундагы № 102 Мыйзамдарынын редакцияларына ылайык)