4-статья. Банкроттук процесси

1. Банкроттук процесси деп ушул Мыйзам менен жөнгө салынуучу карыз тараптын кредиторлорунун талаптарын канааттандыруу, карыз, тараптын төлөө жөндөмдүүлүгүн калыбына келтирүү, болбосо анын иш-аракетин токтотуу максатындагы ыйгарым укуктуу органдардын, соттордун, мыйзамда белгиленген тартипте атайын дайындалган администраторлордун, (убактылуу администраторлордун, атайын администраторлордун, консерваторлордун, тышкы башкаруучулардын), кредиторлордун атынан жасалган мамлекеттин иш-аракетти түшүнүлөт.

2. Банкроттук процесси төлөөгө жөндөмсүз карыз тараптын кредиторлорунун талаптарын канааттандыруу каражаты болуп саналат.

3. Банкроттук процесси башталгандан кийин же карыз тараптын банкроттук процессинде карыз - юридикалык жакты жоюу же реструктуризациялоо жол-жобосун өткөрүү усулу менен болбосо жекече ишкерди банкрот кылуу усулу менен жүргүзүлүүчү атайын администрациялоо колдонулушу мүмкүн.

4. Банкроттук процессин козгогондон кийин же карыз тараптын банкроттук процессинде төмөнкүдөй:

1) санация;,

2) реабилитация;

3) жарашуулар;

4) (КР 2009-жылдын 24-июлундагы № 247 Мыйзамына ылайык күчүн жоготту);

5) атайын администрациялоо.

(КР 1998-жылдын 30-декабрындагы № 160, 2009-жылдын 24-июлундагы № 247, 2015-жылдын 20-апрелиндеги № 87 Мыйзамдарынын редакцияларына ылайык)