27-3-статья. Банкроттук тууралу иште катышуучу жактар
Булагы: КР Юстиция министрлигинин мыйзам актыларынын базасы
Жаңыртылды: 06.11.2026
Кыргыз Республикасынын Мыйзамынын 27-3-статьясы, 29.10.2025 редакциясы.
1. Төмөндөгүлөр:
1) арыз берүүчү;
2) карыз тарап;
3) кредитор же кредиторлор банкроттук тууралу иште катышуучу жактар болуп эсептелет;
4) таламдаш жактар (акционерлер, катышуучулар, пайчылар) банкроттук тууралу иште катышуучу жактар болуп эсептелет.
2. Банкроттук тууралу иште катышуучу жактар, ушул Мыйзам менен жана Кыргыз Республикасынын Жарандык процесстик кодекси менен каралган процессуалдык укуктарга ээ жана милдеттерди аткарышат. Мында арыз берүүчү доочуга карата, ал эми карыз тарап жооп берүүчүгө карата Жарандык процесстик кодексте каралган укуктарга ээ жана милдеттерди аткарат.
3. Сот карыз тараптын кредиторлорунун өтүнүч каттарына тийиштүү маселелер боюнча чечимдерди кабыл алганга чейин аларды иште катышып жаткан жактар катары тартууга милдеттүү.
4. Банкроттук тууралу иштер боюнча Кыргыз Республикасынын Жарандык процесстик кодекси менен каралган үчүнчү жактар (өз алдынча талаптарды билдирүүчүлөр же билдирбөөчүлөр) жөнүндөгү эрежелер, ошондой эле ылайыксыз тарапты алмаштыруу тууралу эрежелер колдонулбайт.
(КР 1998-жылдын 30-декабрындагы № 160, 2002-жылдын 17-июнундагы № 103 Мыйзамынын редакциясына ылайык)