27-24-статья. Карыз тараптын банкроттук процессин аяктоо жөнүндө соттун аныктамасы
Булагы: КР Юстиция министрлигинин мыйзам актыларынын базасы
Жаңыртылды: 06.11.2026
Кыргыз Республикасынын Мыйзамынын 27-24-статьясы, 29.10.2025 редакциясы.
1. Карыз тараптын банкроттук процессин аяктоо жөнүндө соттун аныктамасы төмөнкүдөй учурларда:
1) ушул Мыйзамда белгиленген тартипте сот тарабынан белгиленген банкроттук процессинин жол-жобосу аяктаганда;
2) жалган банкроттук фактысы аныкталганда кабыл алынат.
2. Карыз тараптын банкроттук процессинин аяктагандыгы жөнүндө соттун аныктамасы карыз болгон - юридикалык жакты жоюу менен аяктаса, мамлекеттик реестрден карыз тарапты чыгарып салуу үчүн негиз болуп саналат.
3. Эгерде карыз болгон юридикалык жактын банкрот процесси аяктаганда ал төлөөгө жөндөмдүү деп табылса, анда анын банкроттук процессинин аякташы жөнүндө соттун аныктамасы юридикалык жактын (анын катышуучуларынын макулдугу менен) ишин улантууга негиз болуп саналат.
4. Жекече ишкер катарында жаран ишин ушул Мыйзамдын 122-статьясына ылайык уланта алат.
(КР 1998-жылдын 30-декабрындагы № 160, 2002-жылдын 17-июнундагы № 102 Мыйзамдарынын редакцияларына ылайык)