27-22-статья. Карыз тарапты банкрот деп табуу жөнүндө чечимди басма сөзгө жарыялоо жана администраторду дайындоо

1. Карыз тарапты банкрот деп табуу жөнүндө билдирүү администратор тарабынан карыз тараптын мүлкүнүн эсебинен өзү дайындалгандан тартып беш календардык күндөн кечиктирилбестен жарыяланат.

Карыз тарапты банкрот деп табуу жөнүндө соттун чечимин кассациялык тартипте жоюу тууралу билдирүү да ошондой эле тартипте жарыяланууга тийиш.

2. Карыз тарапты банкрот деп табуу жөнүндө соттун чечимин жарыялоо төмөнкүлөрдү:

1) банкрот деп табылган карыз тараптын аталышы жана башка реквизиттерин;

2) карыз тараптын банкроттугу жөнүндө иш өндүрүшүн караган соттун аталышын;

3) карыз тарапты банкрот деп табуу жана банкроттук процессинин жол-жобосун дайындоо жөнүндө соттун чечими кабыл алынган күн;

4) ушул Мыйзамда белгиленген кредиторлордун талаптарын коюу мөөнөтү;

5) администратор жөнүндө маалымат камтылууга тийиш.

3. Карыз тарапты банкрот деп табуу жөнүндө соттун чечимин кассациялык тартипте жоюу тууралу жарыя төмөнкүлөрдү:

1) банкрот деп табылган карыз тараптын аталышы жана башка реквизиттери;

2) карыз тараптын банкроттугу жөнүндө иш өндүрүшүн караган соттун аталышы;

3) карыз тараптын төлөөгө жөндөмсүздүгү фактысын белгилөө, карыз тарапты банкрот деп табуу жана банкроттук процессинин жол-жобосун дайындоо жөнүндө соттун чечимин жокко чыгаруу тууралу соттун чечими кабыл алынган күн.

(КР 1998-жылдын 30-декабрындагы № 160, 2002-жылдын 17-июнундагы № 102, 2009-жылдын 24-июлундагы № 247, 2016-жылдын 7-июлундагы № 103, 2019-жылдын 31-декабрындагы № 150 Мыйзамдарынын редакцияларына ылайык)