27-19-статья. Соттун аныктамасы

1. Банкроттук иш боюнча сот төмөнкүдөй учурларда:

1) карыз тарапты банкрот деп табуу жөнүндө арызды алганда;

2) арызды алуудан баш тартканда;

3) арызды кайтарып бергенде;

4) иш өндүрүшү токтотулганда;

5) ишти кароо кийинкиге калтырылганда;

6) арыз кароосуз калганда;

7) банкроттук процессинин бир жол-жобосунан экинчисине өткөндө;

71) банкроттук жол-жобо соттон тышкары тартиптен сот тартибине айландырылганда;

8) иш өндүрүшү токтотулганда;

9) тынышуу келишимин бекиткенде;

10) тынышуу келишимин бекитүүдөн баш тартканда;

11) карыз тараптын банкроттук процесси аяктаганда;

12) карыз тарапты банкрот деп жарыялаганда, атайын администрациялоо жана атайын администраторду соттон тышкаркы тартипте дайындоо жөнүндө кредиторлор чогулушунун чечимдерин ушул Мыйзамдын 30-1-статьясы менен кабыл алынган тартипте бекиткенде;

13) карыз тарапты банкрот деп жарыялаганда, атайын администрациялоо жана атайын администраторду соттон тышкаркы тартипте дайындоо жөнүндө кредиторлор чогулушунун чечимдерин ушул Мыйзамдын 30-1-статьясы менен кабыл алынган тартипте бекитүүдөн баш тартканда;

14) ушул Мыйзамда каралган башка учурларда аныктама чыгарат.

2. Сот Кыргыз Республикасынын Жарандык процесстик кодексинин эрежелери боюнча өзүнчө акт түрүндө аныктама чыгарат.

3. Соттун аныктамасы ал кабыл алынган учурдан тартып он күн өткөндөн кийин мыйзамдуу күчүнө кирет.

4. Соттун аныктамасы апелляциялык тартипте даттанылуучу сот актысы чыгарылган учурдан тартып он күндүк мөөнөттө даттанылышы мүмкүн.

5. (КР 2019-жылдын 31-декабрындагы № 150 Мыйзамына ылайык күчүн жоготту)

6. Соттун аныктамасы апелляциялык аныктама кабыл алынган учурдан тартып он беш күндүк мөөнөттө кассациялык тартипте даттанылышы мүмкүн.

(КР 1998-жылдын 30-декабрындагы № 160, 2002-жылдын 17-июнундагы № 102, 2007-жылдын 13-июнундагы № 88, 2019-жылдын 31-декабрындагы № 150 Мыйзамдарынын редакцияларына ылайык)