104-1-статья. Кредиттерди алуу
Булагы: КР Юстиция министрлигинин мыйзам актыларынын базасы
Жаңыртылды: 06.11.2026
Кыргыз Республикасынын Мыйзамынын 104-1-статьясы, 29.10.2025 редакциясы.
1. Реабилитация жол-жобосунун жүрүшүндө тышкы башкаруучу чарба ишин жана карыз тараптын реабилитация планын жүзөгө ашыруу үчүн кредиторлордун чогулушунун макулдугу менен Кыргыз Республикасынын Өкмөтү тарабынан аныкталган тартипте күрөө менен камсыздалбаган кредит ала алат. Ушул кредиттер соттун жактыруусун талап кылбайт жана банкроттук процессинин сарптоолоруна кирет.
2. Эгерде тышкы башкаруучу күрөө менен камсыздалбаган кредитти алалбагандай абалда болсо, сот кредиторлордун чогулушунун макулдугу менен тышкы башкаруучуга карыз тараптын күрөө болуп саналбаган мүлкү менен камсыздалган кредитти алууга уруксат берет. Ушул кредиттер ушул Мыйзамдын 87-статьясына ылайык канааттандырылат.
3. Кредиторлордун чогулушунун тышкы башкаруучунун кредит алуусуна макулдугу болбогондо, сот тышкы башкаруучудан кайрылуу алган күндөн тартып он күндүн ичинде ушул маселе боюнча угуу дайындайт.
(КР 2017-жылдын 12-майындагы № 80 Мыйзамынын редакциясына ылайык)