89-берене. Укук коргоо органдарында кызмат өтөө жөнүндө Кыргыз Республикасынын мыйзамдарынын сакталышын көзөмөлдөө жана контролдоо
Булагы: КР Юстиция министрлигинин мыйзам актыларынын базасы
Жаңыртылды: 06.11.2026
Кыргыз Республикасынын Мыйзамынын 89-беренеси, 11.06.2026 редакциясы.
1. Укук коргоо органдарында кызмат өтөө жөнүндө Кыргыз Республикасынын мыйзамдарынын так жана бир түрдүү сакталышына көзөмөл ушул Мыйзамда жана "Кыргыз Республикасынын прокуратурасы жөнүндө" Кыргыз Республикасынын конституциялык Мыйзамында белгиленген тартипте Кыргыз Республикасынын прокуратура органдары тарабынан жүзөгө ашырылат.
2. Укук коргоо органдарында кызмат өтөө жөнүндө Кыргыз Республикасынын мыйзамдарынын сакталышын ведомстводон тышкары контролдоо ведомстводон тышкары контролду жөнгө салуу чөйрөсүндөгү Кыргыз Республикасынын ченемдик укуктук актыларында белгиленген тартипте жүзөгө ашырылат.
3. Укук коргоо органдарында кызмат өтөө жөнүндө Кыргыз Республикасынын мыйзамдарынын сакталышын ведомстволук контролдоо укук коргоо органы тарабынан аныкталган тартипте жүзөгө ашырылат.
(КР 2023-жылдын 16-февралында № 31 Мыйзамынын редакциясына ылайык)