32-берене. Иштеген жылдары

16.04.2026

Булагы: КР Юстиция министрлигинин мыйзам актыларынын базасы

11.06.2026 редакциясы
Жаңыртылды: 06.11.2026

5-глава. Укук коргоо органдарында кызмат өтөө тартиби

Кыргыз Республикасынын Мыйзамынын 32-беренеси, 11.06.2026 редакциясы.

1. Кызматкердин укук коргоо органдарында иштеген жылдары пенсияны, иштеген жылдары үчүн ар айлык кошумча акыны белгилөө, ар кандай түрдөгү компенсацияларды төлөө, ар жылдык өргүүнүн узактыгын аныктоо, башка социалдык кепилдиктерди жана сыйлыктарды берүү максатында эсептелет.

2. Укук коргоо органынын кызматкеринин иштеген жылдарын эсептөө Кыргыз Республикасынын Министрлер Кабинети белгилеген тартипте жүргүзүлөт.

(КР 2023-жылдын 16-февралында № 31 Мыйзамынын редакциясына ылайык)