99-берене. Кылмыш жасаган адамдарды кармоо укугу
Булагы: КР Юстиция министрлигинин мыйзам актыларынын базасы
Жаңыртылды: 02.11.2026
IV БӨЛҮМ›12-глава. Шектүүнү, айыпталуучуну кармоо
1. Жабырлануучуну кошуп алганда, кандай гана болбосун жеке жак шектүүнү ыйгарым укуктуу мамлекеттик органга өткөрүп берүү же болбосо жеткирүү, ошондой эле алардын башка кол салуусуна бөгөт коюу максатында бардык жеке жак кылмыш жасаган адамды кармоого, анын эркин жүрүшүн чектөөгө укуктуу.
2. Ушул берененин 1-бөлүгүндө каралган учурларда, ал каршылык көрсөтсө, кармалган адамга карата Кылмыш-жаза кодексинин 49-беренесинде каралган чектерде күч жана башка каражаттар колдонулушу мүмкүн. Эгерде кармалган адамда кылмыш иши үчүн мааниси бар курал жана (же) башка коркунучтуу буюмдар бар деп болжогонго негиз болгон учурларда аны кармаган жаран андан болгон буюмдарды алып коюуга укуктуу жана шектүүнү кармап алып кеткен же өткөрүлүп берилген ыйгарым укуктуу мамлекеттик органга кийин өткөрүп бериши керек.