530-берене. Чет мамлекеттин жаранын өткөрүп берүү жөнүндө суроо-талапты аткаруу
Булагы: КР Юстиция министрлигинин мыйзам актыларынын базасы
Жаңыртылды: 02.11.2026
XV БӨЛҮМ›60-глава. Кылмыш жоопкерчилигине тартуу үчүн же өкүмдү аткаруу үчүн адамды өткөрүп берүү
1. Чет мамлекеттин аймагында кылмыш жасагандыгы үчүн айыпталып жаткан же соттолгон чет мамлекеттин жаранын өткөрүп берүү жөнүндө суроо-талапты Башкы прокурор же анын орун басарлары Кыргыз Республикасынын эл аралык келишимдерине ылайык же өз ара түшүнүшүү принцибинин негизинде карайт.
2. Өткөрүп берүү тууралуу суроо-талапты ага тиркелген материалдар менен окуп чыккандан кийин Башкы прокурор же анын орун басарлары чет мамлекеттин жаранын өткөрүп берүү (экстрадициялоо) же өткөрүп берүүдөн (экстрадициялоодон) баш тартуу жөнүндө чечимди токтом түрүндө кабыл алат. Адамды өткөрүп берүү жөнүндө бир нече мамлекеттин талаптары болгон учурда адам кайсы мамлекетке өткөрүп берилүүгө тийиш экенин Башкы прокурор же анын орун басарлары чечет.