505-берене. Жарашуу тартиби
Булагы: КР Юстиция министрлигинин мыйзам актыларынын базасы
Жаңыртылды: 02.11.2026
XV БӨЛҮМ›58-глава. Тараптардын жарашуусу жөнүндө процессуалдык макулдашуу
1. Жарашуу жөнүндө өтүнүч тараптар тарабынан, ошондой эле медиатордун жардамы менен берилиши мүмкүн.
2. Тараптардын ортосундагы жарашууга коркунучтуулугу аз жана анча оор эмес кылмыштар боюнча иштердин өндүрүшүндө жетишүү мүмкүн.
3. Жарашуу сотко чейинки өндүрүш башталган учурдан тартып кассациялык инстанциядагы соттун чечими чыгарылганга чейин жетишилиши мүмкүн.
4. Жарашуу жөнүндө өтүнүч боюнча макулдукка жетишпеген учурда аны билдирүү фактысы айыптоодон баш тартуу же өзүнүн күнөөсүн мойнуна алуу катары каралышы мүмкүн эмес.
5. Тергөөчү, сот тараптарга жарашууга болгон укугу, аны ишке ашыруу механизми жөнүндө түшүндүрүүгө жана макулдашууну түзүүгө тоскоолдук кылбоого милдеттүү.
6. Эгерде сот өндүрүшү бир же бир нече кылмыш жасаган бир нече адамга карата жүргүзүлүп жатса жана жарашуу жөнүндө макулдашууну түзүү боюнча макулдук жабырлануучулардын бардыгы менен жетишилбесе, мындай макулдашуу алардын бири (бир нечеси) менен түзүлүшү мүмкүн. Жарашуу жөнүндө макулдашууга жетишилген айыпталуучуга (айыпталуучуларга) карата иш кыскартылууга тийиш.
7. Эгерде иш боюнча бир кылмыштан бир нече жабырлануучу катышса, жарашуу жөнүндө макулдашуу бардык жабырлануучулар менен гана түзүлүүгө жана бекитилүүгө тийиш.
8. Эгерде иш боюнча ар кандай кылмыштардан бир нече жабырлануучу катышса жана жарашуу жөнүндө макулдашууну түзүү боюнча макулдук жабырлануучулардын бардыгы менен жетишилбесе, мындай макулдашуу жабырлануучулардын бири (бир нечеси) менен түзүлүшү мүмкүн. Жарашуу жөнүндө макулдашуу жетишилген айыпталуучуга (айыпталуучуларга) карата иш кыскартылууга тийиш.
(КР 2024-жылдын 22-январындагы № 24 Мыйзамынын редакциясына ылайык)