400-берене. Өкүмдөргө апелляциялык даттануунун мөөнөттөрү

23.06.2026

Булагы: КР Юстиция министрлигинин мыйзам актыларынын базасы

06.10.2026 редакциясы
Жаңыртылды: 02.11.2026

IX БӨЛҮМ›46-глава. Апелляциялык тартипте соттун чечимдерине даттануу

1. Биринчи инстанциядагы соттун өкүмүнө апелляциялык даттануулар жана сунуштар өкүм чыгарылган күндөн тартып 30 сутканын ичинде, ал эми камактагы айыпталуучу тарабынан – ага өкүмдүн көчүрмөсү тапшырылган күндөн тартып ошол эле мөөнөттө берилиши мүмкүн.

2. Өкүмгө даттануу үчүн белгиленген мөөнөттүн ичинде кылмыш иши соттон талап кылынып алынышы мүмкүн эмес.

3. Мөөнөтү өткөрүлүп берилген апелляциялык даттануу, сунуш кароосуз калтырылат.