338-берене. Күбөлөндүрүү
Булагы: КР Юстиция министрлигинин мыйзам актыларынын базасы
Жаңыртылды: 02.11.2026
IX БӨЛҮМ›43-глава. Соттук териштирүү
1. Соттук отурумда күбөлөндүрүү ушул Кодекстин 175-беренесинин 1-бөлүгүндө каралган учурларда, судьянын токтому же соттун аныктамасы боюнча жүргүзүлөт.
2. Денени жылаңачтоо менен коштолуучу күбөлөндүрүү өзүнчө жайда врач же башка адис тарабынан жүргүзүлөт, күбөлөндүрүү бүткөндөн кийин ал күбөлөндүрүү актысын түзөт жана ага кол коёт. Андан кийин көрсөтүлгөн адамдар соттук отурумдун залына кайтып келип, бул жерде алар тараптардын жана күбөлөндүрүлгөн адамдын катышуусунда сотко, күбөлөндүрүлгөндүн денесиндеги тактар же белгилер жөнүндө, эгерде бар болсо, кабарлайт, тараптардын жана төрагалык кылуучу судьянын суроолоруна жооп берет. Күбөлөндүрүү актысы соттук отурумдун протоколуна тиркелет.