322-берене. Өтүнүчтөрдү билдирүү жана чечүү
Булагы: КР Юстиция министрлигинин мыйзам актыларынын базасы
Жаңыртылды: 02.11.2026
IX БӨЛҮМ›42-глава. Соттук териштирүүгө даярдануу иш-аракеттери
1. Төрагалык кылуучу судья тараптардан жаңы күбөлөрдү, эксперттерди жана адистерди чакыруу жөнүндө өтүнүчү бар же жок экендигин жана буюм далилдерди жана документтерди кошо тургандыгы жөнүндө сурайт. Өтүнүч билдирген адам кайсы жагдайларды белгилөө үчүн кошумча далилдер зарылдыгын көрсөтүүгө милдеттүү.
2. Сот процессинин калган катышуучуларынын пикирин угуп, сот ар бир билдирилген өтүнүчтү карап чыгышы жана аны канааттандырышы керек же болбосо өтүнүчтү канааттандыруудан баш тартуу жөнүндө токтом, аныктама чыгарууга тийиш.
3. Сот тарабынан өтүнүчү канааттандыруудан баш тартылган адам аны мындан аркы соттук териштирүүнүн жүрүшүндө кайра билдирүүгө укуктуу.
Эгерде мурда каралып чыккан маселе боюнча кайрадан берилген өтүнүчтө соттук териштирүүнүн создуктурулуп кетишинин белгилери бар болсо, анда сот мындай арызды соттук отурумдун протоколунда көрсөтүү менен кароосуз калтырууга укуктуу.