309-берене. Соттук отурумдун протоколуна сын-пикирлер жана аларды карап чыгуу
Булагы: КР Юстиция министрлигинин мыйзам актыларынын базасы
Жаңыртылды: 02.11.2026
IX БӨЛҮМ›41-глава. Соттук териштирүүнүн жалпы шарттары
1. Соттук отурумдун протоколу менен таанышкан күндөн кийин 5 сутканын ичинде тараптар ага карата сын-пикирлерин бере алат.
2. Соттук отурумдун протоколуна сын-пикирлер төрагалык кылуучу судья тарабынан алар берилген күндөн тартып 5 күндүн ичинде каралат.
Зарыл учурларда төрагалык кылуучу судья сын-пикирлерди берген адамдарды алардын мазмунун тактоо үчүн чакырууга укуктуу.
3. Сын-пикирлерди карап чыгуунун натыйжасында төрагалык кылуучу судья алардын тууралыгын күбөлөндүрүү жөнүндө же аларды четке кагуу жөнүндө токтом чыгарат. Протоколго жана төрагалык кылуучу судьянын токтомуна карата сын-пикирлер соттук отурумдун протоколуна кошулат.