294-берене. Соттук отурумдун катчысы
Булагы: КР Юстиция министрлигинин мыйзам актыларынын базасы
Жаңыртылды: 02.11.2026
IX БӨЛҮМ›41-глава. Соттук териштирүүнүн жалпы шарттары
1. Соттук отурумдун катчысы соттук отурумдун протоколун жүргүзөт. Ал соттун аракеттерин жана чечимдерин, ага тете процесстин катышуучуларынын соттук отурумдун жүрүшүндө болгон аракеттерин толук жана туура чагылдырууга тийиш.
2. Катчы соттук отурум башталганга чейин аудио- жана видео жазуу каражаттарынын техникалык жактан бузук эместигин, соттук отурумга катышууга тийиш болгон адамдардын келүүсүн текшерет, бул жөнүндө төрагалык кылуучу судьяга маалымдайт жана тапшыруу боюнча ушул Кодексте каралган башка иш-аракеттерди жүзөгө ашырат.
3. Аудио- жана видео жазуу каражаттарын пайдалануу мүмкүн эмес болгон учурда, анын себептерин көрсөтүү менен акт түзүлүп, иштин материалдарына тиркелет.
(КР 2025-жылдын 19-майындагы № 96 Мыйзамынын редакциясына ылайык)