164-берене. Тергөө тобунун жетекчисинин ыйгарым укуктары
Булагы: КР Юстиция министрлигинин мыйзам актыларынын базасы
Жаңыртылды: 02.11.2026
VII БӨЛҮМ›21-глава. Тергөө жүргүзүүнүн жалпы шарттары
1. Тергөөчү – тергөө тобунун жетекчиси кылмыш ишин өз өндүрүшүнө кабыл алат, мында тергөөчүнүн ыйгарым укуктарынан пайдалануу менен сотко чейинки өндүрүштү жеке өзү жүргүзөт, тергөө тобунун ишин уюштурат, кылмыш иши боюнча чечимдерди кабыл алат.
2. Иштерди бириктирүү жана бөлүү, тергөөнүн мөөнөтүн узартуу жөнүндө өтүнүчтү козгоо, бөгөт коюу чарасы катары камакка алуу, аны узартуу, өзгөртүү, жокко чыгаруу, кыскартуу, иш боюнча өндүрүштү токтотуу же кайра баштоо жөнүндө чечим тергөө тобунун жетекчиси тарабынан гана кабыл алынат;
3. Айыпталуучу катары жоопко тартуу, медициналык мүнөздөгү мажбурлоо чараларын колдонуу жөнүндө токтом жана айыптоо актысы тергөө тобунун жетекчиси тарабынан түзүлөт.