365-берене. Көрсөтмө берүүдөн баш тартуу же качуу
Булагы: КР Юстиция министрлигинин мыйзам актыларынын базасы
Жаңыртылды: 02.11.2026
IX БӨЛҮМ. МАМЛЕКЕТТИК БИЙЛИККЕ КАРШЫ КЫЛМЫШТАР›44-глава. Далилдерди табуунун процесстик тартибине каршы кылмыштар
Кыргыз Республикасынын Кылмыш-жаза кодексинин 365-беренеси, 24.07.2026 редакциясы.
Сот отурумунда же болбосо сотко чейинки өндүрүштө күбөнүн же жабырлануучунун көрсөтмө берүүдөн же эксперттин корутундуну же көрсөтмөнү берүүдөн баш тартуусу же качуусу, -
жүздөн үч жүз саатка чейин коомдук иштерге же бир жылдан үч жылга чейинки мөөнөткө түзөтүү жумуштарына, же 200дөн 500 эсептик көрсөткүчтөргө чейин айып салууга жазаланат.
Эскертүү. Өзүнө, жубайына же өзүнүн жакын туугандарына каршы көрсөтмө берүүдөн баш тарткандыгы же качкандыгы үчүн күбө же жабырлануучу кылмыш-жаза жоопкерчилигине тартылбайт.