325-берене. Диверсия
Булагы: КР Юстиция министрлигинин мыйзам актыларынын базасы
Жаңыртылды: 02.11.2026
IX БӨЛҮМ. МАМЛЕКЕТТИК БИЙЛИККЕ КАРШЫ КЫЛМЫШТАР›41-глава. Конституциялык түзүлүштүн негиздерине жана мамлекеттин коопсуздугуна каршы кылмыштар
Кыргыз Республикасынын Кылмыш-жаза кодексинин 325-беренеси, 24.07.2026 редакциясы.
Кыргыз Республикасынын экономикалык коопсуздугун же коргонуу жөндөмдүүлүгүн бузуу максатында же болбосо мамлекеттик органдардын ишин жана коомдук-саясий кырдаалын туруксуз абалга келтирүү максатында жардырууларды, өрт коюуларды жасоо же ишканаларды, курулуштарды, жолдорду жана кабарлоо каражаттарын, байланыш каражаттарын, калктын турмуш-тиричилигин камсыздоочу объекттерди бузууга же зыянга учуратууга багытталган башка аракеттерди жасоо, -
мүлкүн конфискациялоо менен он жылдан он беш жылга чейинки мөөнөткө эркиндигинен ажыратууга жазаланат.