2-статья. Ушул Мыйзамдын негизги милдеттери

Ушул Мыйзамдын негизги милдеттери болуп төмөнкүлөр саналат:

- Кыргыз Республикасындагы ички жер которуу процесстерин жөнгө салуу;

- ички жер которуучулардын укуктарын жана мыйзамдуу кызыкчылыктарын коргоону камсыз кылуу;

- калктын бирдиктүү мамлекеттик реестрин киргизүү жана иштетүү;

- аргасыз жер которуучуларга колдоо көрсөтүү боюнча мамлекеттик органдардын иш-чараларды жүзөгө ашыруусу;

- жаңы жашаган жана турган жерлеринде ички жер которуучулар үчүн жашоонун зарыл шарттарын түзүү;

- ички жер которуу процесстерин укуктук жөнгө салуу механизмин өркүндөтүү.