51-берене. Улуттук банктын финансылык отчеттуулугу
Булагы: КР Юстиция министрлигинин мыйзам актыларынын базасы
Жаңыртылды: 03.11.2026
11-глава. Улуттук банктын отчету жана отчеттуулугу,
Кыргыз Республикасынын Конституциялык мыйзамынын 51-беренеси, 31.10.2025 редакциясы.
1. Улуттук банк финансылык отчеттуулуктун эл аралык стандарттарына (ФОЭС) ылайык жана ушул конституциялык Мыйзамдын жоболорун эске алуу менен анын операцияларын жана финансылык абалын чагылдырган туруктуу эсепке алууну жана отчеттуулукту жүргүзөт.
2. Улуттук банктын финансылык жылы деп 1-январдан тартып 31-декабрды кошо алгандагы мезгил белгиленет.
3. Улуттук банк жыл сайын Улуттук банктын финансылык абалы жөнүндө отчеттон жана ага байланышкан башка отчеттордон турган финансылык отчеттуулукту даярдайт.
4. Улуттук банктын финансылык отчеттуулугунун түзүмү Улуттук банктын Башкармасы тарабынан белгиленет. Улуттук банк жылдык финансылык отчеттуулукту көз карандысыз аудит текшергенден жана Улуттук банктын Башкармасы бекиткенден кийин жарыялайт.